Литературна уншалга

3-дэхи классай программа соо түрэл һайхан Буряад нютаг, тэрэнэй баялиг, табан хушуу мал, тэрэнэй олзо хэшэг, буряад арадай еһо заншал, түрэл гарал ба гал гуламта, арадай һайндэр –сагаалган, үхибүүдэй нааданууд, бэеэ зүбөөр абажа ябалга, сээрлэхэ еһо гурим тухай уран зохеолнууд гол һуури эзэлхэ болоно.

Эхэ байгаалияа хүндэлхэ ба гамнаха гурим, еһо, нютагай зэрлиг амитад, шубууд ба тэдэнэй ажамидарал, буряад арадай еһо заншалнууд сэсэн һургаал заабаринууд, арад зоной һайндэрнүүд, Буддын шажанай түүхэһээ, «арбан сагаан буян» ба «арбан хара нүгэл» тухай статьянууд, рассказууд, онтохонууд, шулэгүүд, дуунууд оруулагдахаар хараалагдана.

Һурагшадай жэнхэни буряад хэлэеэ үзэхэ эрмэлзэл, һонирхол эдэбхижүүлхэ, тэдэнэй ухаан бодол хугжөөхэ зорилтойгоор гурбадахи классай «Турэлхи хэлэн» номууд соо буряад арадай аман зохёолой абдарһаа онтохонууд, таабаринууд, оньһон үгэнүүд, үреэлнүүд оруулагдаһан байна, гэхэтэй хамта һуралсалайнгаа методическэ хусэд суглуулбариин гол шэглэл баримталжа гурбадахи классай һурагшад Россиин болон гадаада зүүн зүгэй арадуудай онтохонуудтай танилсана.